.•₪ درة الإبداع ₪•.

[ حيثُ الإبداع الـ لا محدود ]
 
الرئيسيةالرئيسية  البوابةالبوابة  س .و .جس .و .ج  بحـثبحـث  التسجيلالتسجيل  دخولدخول  

شاطر | 
 

 مقارنه بين اطفال الاجانب ... وراعننا المحترمين..!!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
(*الاطرش في الزفه*)

avatar

ذكر عدد الرسائل : 764
العمر : 23
تاريخ التسجيل : 19/10/2007

مُساهمةموضوع: مقارنه بين اطفال الاجانب ... وراعننا المحترمين..!!   17/5/2008, 1:12 pm

أطفال الأجانب

في الصباح حيث يبدأ يوم أطفال الأجانب عندما يستيقظ على صوت

الكناري اللي بغرفته بعدها يتوجه للحمام يتروش ويفرش أسنانه ويطلع

من الحمام تستقبله المربية بالمنشفة وتصبح عليه يروح يغير ملابسه

ويأخذ شنطته وينزل لغرفة الطعام ويصبح على أمه وأبوه وأحححلى

بوسه يأخذها منهم ويفطر ذاك الفطور طبعا عبارة عن كورن فليكس

أبو ديك وبيضة وحدة بس!! وكاس عصير وشوية زبده مع العسل

على خبزه .

بعدين يقوم يغسل فمه ويودع الماما والبابا ويتوجه للسيارة يلقى قدامه

السواق مبتسم ويفتح له الباب ويوديه لمدرسته الخاصة



ورعاننا المحترمين

ورعانا يقوم الصبح بعد ما يطلع عين أهله ولازم أفراد العائلة تمر عليه

عشان تصحيه وكل واحد وطريقته:

الأب: قم جعلك الهزل

الأم: قم جعلك الجدري
الأخ: والله إذا ما تقوم لأفقع وجهك

أخته: تسوي نفسها بتدلعه<< يالله قوم وأعطيك شنطة أخوك تروح فيها

للمدرسة

بعد ما يقوم يمر الحمام على السريع ويغسل وجه

وبعدين يأخذ اقرب كتب عنده ويربطها ويجيك مدحدر يدور الفطور ويتفاجأ

إنهم ما حطوه

بعد ما يجي الفطور وهو كالعادة: فول + شكشوكه + تميس + حليب

يبدأ الورع بالأكل وشوي إلا وهو حاذف أخوه بعلبة الهندسة!!!!

عشانه سحب صحن الفول من عنده<<مسكين ما يطوله وشوي إلا وهو

مسدد بقس عنيف يمشي مليوووووووووووون لأخوه الثاني!! لأنه سرق فسحته!!

أبوه يتكلم معه يا ورع أركد وافطر وعين خير أنت وش بلاك وراك مدرسة

يرد الورع عليه: أنت ما تشوف سعيدان سارق فسحتي!!

<< سعيدان اكبر سروق بالبيت >> أبوه على طول يصدق ويصـــــــك

سعيدان كف صدقي

المهم بعد ما يخلص الفلم اليومي يروح الولد للسيارة يلقى أخوه فاتح

الكبوت ويصب ماء للرديتر المشقوق تقفل أخلاق الورع وينقز للشارع ويأشر لأقرب سيارة ويروح للمدرسة



أطفال الناس الأجانب

بعد المدرسة يرجع أطفال الأجانب ويلقى المربية في استقباله تأخذ

الشنطه وتوديها لغرفته بصحبته يغير ملابسه ويغسل وجهه ورجليه
يا عيني يا عيني حسره علينــا

ويستريح له ساعة في انتظار أفراد العائلة عشان يتغدى وبعد الغداء

الرايق

يروح لغرفة الجلوس ويشرب شاهي للتهضيم ويحلي بقطعة كيك وبعدين

يروح لغرفته ينام له ساعة قبل العصر.



ورعااااننا المحترمين

أما الورع منهم يجي من المدرسة وثوبه قالب لونه بني<< تقول جدار مدرسة

وإذا دخل البيت رمى الشنطه بالصالة وفصخ ثوبه

ووينك يالشارع << أخوياه يحترونه وهاتك ياللعب

كوره بذا القايله وعادي الشارع مولع من الحرارة وهم عادي مررره

ولا كأنه فيه شيء وأهله ما يدرون!!

في هذه الأثناء يرسل أبوه كتيبة من أخوانه للبحث عنه وإذا لقوه وجابوه

للبيت قام يصيح طقوني وسحبوني قدام الناس << والله ما أحد لمسه النصاب

المهم يحطون الغداء << معروف كبسة لحم
غيره ما فيه!! يتغدى الورع الكريم ويصــــــــــــــــــك بعدها لتر لبن

بعدها يجلس ساعة فاتح فمه ( قوووويه بع بع بع) ههههههه

يحتري من يوديه يغسل له يديه!!!!!!!!!



أطفال الناس الأجانب

أطفال الأجانب إذا جاء العصر جابوا دروسهم وشافوا وش عليهم من

واجبات وحلوها وحضروا دروس بكره بمساعدة الماما والبابا.

بعدها يروح لغرفة الألعاب ويجلس على البلاي ستيشن 2 وخذ لعب

لمدة ساعتين تقريبا يعني إلى وقت ما بين المغرب والعشاء.

بعدها تطلبه أمه مع بقية أخوانه عشان يجتمعون ويشربون العصير

ويسولفون سواليف



ورعااااننا المحترمين

يجي وقت العصر وهو نايم << مفعول اللبن يقوم قبل المغرب

ويأخذ دروسه وواجباته << وأقلامه ناسيها في درج الطاولة اللي بالمدرسة

ويروح عند أخته ويتحايل عليها بكل ما أوتي من قوه علشان تحل له

الواجبات وإذا قالت لا يا ويلها يا سواد ليلها أكيد

بعد كذا أنواع الدجه مع ورعان الحارة ومن هم على شاكلته ما يخلون

هندي إلا وسرقوا سيكله

وإذا رجع البيت << على الساعة 11 تقريبا تلقى رأسه مفلق من

جميع الاتجاهات والشرطة تدوره وجارهم مسوي إعلان عليه مطلوب

حي أو ميت!! وخذلك عاد<< مساكين أهله



أطفال الناس الأجانب

أطفال الأجانب بعد ما يتعشى ويمسي على أهله يروح لغرفته ويجلس

على النت ساعة أو ساعتين إلى موعد نومه << الساعة 10 تقريبا

بعدها يغير ملابسه وتجي المربية وتحكي له قصه اللين ينام تغطيه وتطفي النور.



ورعاااانا المحترمين

إذا رجع البيت<< الساعة 11 ما يدخل مع الباب إلا ينط من

فوق السور علشان أبوه ما يمسكه

وعلى طول لغرفته ويسكر الباب ويطفي النور ويطل من الشباك

على باب الشارع الرئيسي يشوف وش صار على

مسلسل المشاكل المكسيكي اللي جابها معه للبيت وكيف بيحلها أبوه

مع الناس ومع جارهم ومع الشرطة

وفي أثناء ذلك يستغل الفرصة ويدز للمطبخ ويأخذ منه جبن << جبنة *****ه الضاحكة
وخبز ويرجع لوكره<< آسف غرفته

ويقفل باب الصندقه << أكرر اعتذاري الغرفة ويتعشى من ذا الجبن والخبز

إلين يدوخ <<على الساعة 3>> لا وأزيدكم من الشعر بيت ما ينام

إلا وهو متلطم!!! على باله مراقب

عجبتني المقارنة هذي في إحدى المنتديات فجبتهاعلشان خاطركم

ههههههههههاي بصراحة ما في أحلى من ورعانا يهبلون
أما أطفال الأجانب ما في أكذب منهم يمكن لما يكونون صغار يتصرفون بالطريقة
هذي لكن إذا كبروا الله يستر منهم يخوفون حتى أهاليهم أعوذ بالله منهم
لكن تعالوا شوفوا عيالنا حليلهم يمكن نص الحي اللي ساكنين فيه يعرفهم و يسببون
رعب في الحارة و مع ذلك إذا كبروا يضحكون على ذكرياتهم و حركاتهم و
تصرفاتهم لما يشوفون عيالهم في المستقبل خخخخخخخخخ



اتمنى تعجبكم

تحياتي الاطرش
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ZEZO

avatar

ذكر عدد الرسائل : 67
العمر : 30
تاريخ التسجيل : 14/04/2008

مُساهمةموضوع: رد: مقارنه بين اطفال الاجانب ... وراعننا المحترمين..!!   20/5/2008, 3:53 pm

والله انها خطيييييييييييييييييره

والله انك صادق كل يوم نقوم كذا لكن الفطور غير انا اهلي كورن فلكس


خخخخخخخخخخخخخخخخخخخخخخخخخخخخخخخخخخخ

تقبل مروري
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
(*الاطرش في الزفه*)

avatar

ذكر عدد الرسائل : 764
العمر : 23
تاريخ التسجيل : 19/10/2007

مُساهمةموضوع: رد: مقارنه بين اطفال الاجانب ... وراعننا المحترمين..!!   20/5/2008, 10:50 pm

هههههههه


يسلمو ع المرور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مقارنه بين اطفال الاجانب ... وراعننا المحترمين..!!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
.•₪ درة الإبداع ₪•. :: الدرر الترفيهية :: .•₪ ساعة مرح ₪•.-
انتقل الى: